【壓力致「周身痛」？ 紓緩八招】

現實生活中，都市人經常要應付來自四方八面嘅壓力：工作、感情、家庭或社會上，總會令人感到焦慮煩躁，從而產生好多身體上嘅無名痛楚。

對於要點樣放鬆身心，其實有好多方法，當遇到壓力時，先比自己深呼吸一下，試試以下不同的方法，當人冷靜落嚟，先可以面對問題，搵出更有效嘅解決同處理方法，以下有「紓緩八招」，可以同大家分享︰

1、深呼吸：

深呼吸可以緩和即將爆發出來嘅情緒反應，只要從鼻子吸氣，慢慢流經腹部，然後到肋骨，再慢慢咁從鼻子呼氣，輕輕講聲放鬆，只要幾秒鐘嘅動作，你就可以煥然一新。

2、浸泡熱水：

熱水澡係最古老嘅鎮靜劑，要放鬆自己，最好浸泡喺比自己體溫稍高嘅熱水，時間唔好超過15分鐘；溫水浴亦有同樣幫助。

3、散步：

盡可能唔好安排午餐約會，利用午餐時間，比自己心靈休息一下，獨自一個人，全神貫注慢慢咁享受午餐。之後可以去散散步，一段十分鐘嘅輕鬆散步，可以令緊張情緒得以紓解，效果可持續1至2小時。

4、對自己說話：

咁並唔係代表自己「瘋了」，相反，同自己對話係處理壓力嘅好方法。呢個方法主要係可以令自己有機會去聆聽、發問及思考自己的問題，視野可以逐漸變得更廣闊。

5、聽音樂：

有專家話，放鬆心情嘅音樂應該由樂器慢慢、靜靜咁演奏出來，但其實每個人對音樂嘅口味都不盡相同，只要選到自己熟悉同鍾意嘅音樂類型，自然可以轉換心情。

6、運動：

規律性運動可能係解除壓力最實際嘅方法。做三十分鐘的運動，可以減少壓力長達三個小時。

7、曬太陽

日光對釋放壓力非常有效，好多抑鬱症患者都唔鍾意曬太陽，平時多曬太陽，身體嘅抗體亦會因而增加。

8、請教專家：

催眠係一個完全放鬆嘅狀態，所以催眠減壓係極有效嘅放鬆方法。下次我會教大家點樣利用自我催眠去減壓，及清理「思想垃圾桶」，從而得到身心放鬆。